O le uluai taimi lenei ua misi ai le igoa o Niu Sila i le avea ma atunuu aupito sili ona manaia i le lalolagi, greatest country on Earth talu mai le 2012.
O le poll poo se suesuega o finagalo faaalia poo se palota faataitai na faia e le UK Telegraph ua faailoa ai ia fuainumera ma o Aferika i Saute lea ua tulaga maualuga i lea faasologa ae faasolo ane Niu Sila i le tulaga lua.
O le mafuaaga pei na faailoa i le lipoti ua sili ai Aferika ia Niu Sila ona e manatu ua faigofie atu feoaiga ma afea e tagata Peretania Aferika i Saute.
O le top 5 poo le 5 pito i luga e aofia ai Aferika i Saute, Niu Sila, Maldives, Iapani ma Ausetalia.
