O pasi e lua ia na lavevea i luga o le State Highway 8 i le taeao ananafi e pei ona avatu i tatou lipoti ananafi, o loo fai mai le kamupani e anaina pasi o lea lava sa o i le saoasaoa saogalemu mo feoa’iga, ae lē o le tala lea mai se tasi o avetaavale na vaai i pasi a o lei lavevea.
O faalavelave nei na tupu pe tusa ma le 100 mita e va ai le isi pasi mai le isi, ma o lea na ave ai i le falemai tagata manunu’a e 15.
O lea aofai e toalua na ave i se tulaga tigaina.
E tuufaatasia tala fou ua faamaonia mai e le Konesula o Saina i Kalaiesetete o lea ua oo atu lipoti a leoleo e faatatau i pasi e lua na ave ai turisi mai Saina ua taavalevale.
A o tuua’ia ai la le maseesee o le auala ona o le aisa ma le malosi o le puaoa, ua fai mai le kamupani pasi a le Free Line Coach Ltd mai Aukilani o lea lava na saogalemu le saoasaoa na o ai pasi ma o avepasi foi na foeina pasi o tagata ua leva ona avepasi.
Ae fai mai se tasi o molimau na vaai i le o a pasi a o lei lavevea i tala a le Stuff, o lea na saoasaoa.
E tuufaatasia tala fou o loo suesueina pea e leoleo lenei mataupu ma e lei faamautinoaina mai foi e leoleo pe faamaonia o lea na saoasaoa pasi.
Puna o Faamatalaga: 15 people taken to hospital after two buses crash on State Highway 8 near Tekapo | RNZ News
Motorist says buses were ‘flying along’ before crash, company says it was a safe speed | Stuff
