O loo faasolo suesuega o le mu tele na tulai mai i Ueligitone i le vaveao analeila, ma i lipoti o le fale ua mu o se tasi o fale ua leva ona tuufua.
Afa o le 12 i le vaveao nei na mu ai le fale sa ta’ua o le Wellington Boys’ Institute i Tasman Street i Newtown ma o le 2008 lea na amata lē toe faaaogā ai e se tasi.
O molimau a le tineimu na iai le popolega i taimi a o taumafai e tineia le afi i lipoti o loo iai tagata i totonu, peitai o le tala fiafia e oo mai i le taimi o tala fou ua faamaonia mai e le ofisa ua uma ona suesueina totonu o le fale ua mu e leai se isi na maua ai.
O loo faaauau suesuega i le asō a le tineimu faapea leoleo a o iai i se tulaga masalomia, ma ua tupu ai a o faasolo pea nei foi isi suesuega i le isi foi fale tuufua i le nofoaga lava lea e tasi na mu i le amataga o le masina.
O le fale ua mu i le taeao nei, e lē o iloa poo ai tonu e onaina.
Puna o Faamatalaga: Major fire at abandoned Wellington Boys’ Institute overnight | Newshub
