Ua i luma nei o leoleo mo se suesuega se faalavelave ua maliu ai se alii e toatasi ae o leisi toalua o loo taofia i le falemai tele i Motootua mo togafitiga i ni manu’a tūgā mai se agaese.
O le Aso Sa na tea nei na tulai mai ai lea faalavelave i Tafatafa Falealili ma o faamatalaga ma molimau ua taunuu i leoleo e faailoa ai o i latou ua manunu’a ma le toatasi ua maliu sa tagofia le ava malosi.
Ma o se feteenaigs na tulai mai ma se alii 51 tausaga le matua o le afioaga ma mafua ai le vevesi ma faaoo ai e lē ua molia nei e leoleo i le fasioti tagata faamoemoeina se auupega o se agaese ma faao’o ai manuaga tūgā i lē ua maliu ma le toalua o loo taofia nei i le falemai tele i Motootua mo togafitiga.
