O loo feagai nei leoleo i Sini ma le suesuega o le faalavelave ua uma ai le ola o se pepe e nao le fitu vaiaso lea na valaau ane ai i latou i se fale i St Marys i le vaveao o le aso ananafi.
Sa faatino galuega laveai a paramedics i le pepe ina ua taunuu atu ma aveina ai loa i le falema’i o tamaiti i Westmead peitai na uma lona ola mulimuli ane.
O loo faagasolo i le asō le suesuega a leoleo i lenei faalavelave ma sauni foi sa latou lipoti e tuuina atu i le coroner.
E le o iai se faamatalaga i le lipoti o ta’ua ai le mafuaaga o le faaletonu i le pepe ae o le asō o loo talitalia ai se isi lipoti lata mai a leoleo i le mataupu.
