O loo faaauau pea le su’esu’ega a leoleo i fu’a a le Hezbollah na vaaia i le solo tetee sa faia i Sini ma Melepone i le faai’uga o le vaiaso.
Ua faamaonia mai e le Australian Federal Police o loo faia su’esu’ega ma e ta’ua mai Melepone o se vaega to’aitiiti na o latou feavea’ia fu’a ia i nei solo tetee ae leai se sootaga ia i latou sa tuufaatasia le solo, i latou e lagolago ia Palesitina.
Ua faailoa foi e leoleo na o latou aveina fua e lua o loo iai faailo o faalapotopotoga faatupu faalavelave mai le rally sa faia i Sini i le Aso Sa ma o loo su’esu’e foi ma isi mataupu o loo feta’ua’ina ai le faailoa o faailo o ia faalapotopotoga.
Ua faailoa foi i le lipoti se saunoaga mai le minisita o mataupu faalotoifale, Tony Burke ua tatau foi i leoleo i Victoria ma NSW ona siaki visa o i latou o loo fiafia e fai tetee ia aemaise i latou o loo lagolago i le ta’ita’i o le Hezbollah lea ua lipotia na fasiotia i osofa’iga a Isaraelu i le Aso Faraile talu ai.
Fai mai Burke o le a lē toe iai lava se taofi ae faalēaogāina loa visa o i latou o loo faatupuina le ita i totonu o le atunuu pe afai ae maua.
Puna o Faamatalaga: https://www.9news.com.au/national/protesters-who-waved-hezbollah-flags-dont-meet-threshold-for-arrest-says-afp/a053d7bd-27c3-473f-acfd-db64e5c18b36
