O loo su’esu’e nei lipoti ua sau ua fasiotia le tagata sitiseni Niu Sila – Isaraelu i le taua o loo faia i Gaza.

O le faamaoniga lea mai le matagaluega o le va i fafo, lea ua faapea mai ua oo atu lipoti ma o loo vaavaai nei iai.

Ae i ata o loo toe salalau i luga o le initeneti o loo maua ai o loo tauaao atu i le tuaa o lē ua maliu le pale, ma e faapea o lē ua maliu o le tagata sitiseni Niu Sila.

A o sau lipoti nei ananafi o lea foi na toe savalia e le faitau afe o tagata o loo tetee le taulaga faatau o Aukilani ananafi a o latou faatalosagaina ai le tatau ona faamuta le taua o loo tigaina ai Gaza.

O le ausavavali lea ananafi na faasasa’o aga’i i le ofisa o le Konesula o Amerika ma faapipii ai ata o tagata o loo latou tuua’ia ai Isaraelu ua ia fasiotia.

Mai ia i latou o loo tuufaatasia nei savali tetee, o uiga lava nei o le a faaauau pea ona vaaia se’ia vaganā ua uma le taua.

Puna o Faamatalaga: https://www.rnz.co.nz/news/world/504408/mfat-looking-into-reports-of-new-zealander-killed-in-gaza