Ua su’esu’e e le Auckland Council pe faafefea ona fesoota’i upega tafailagi a sui momo’e e to’alua o loo finauina le tofi pulenuu.
O le website o loo alu i le igoa efesocollins.co.nz o loo tata’i ai i le website a Leo Molloy.
Ua faamaonia mai ai e le sooupu a le Council o loo vaavaai i lenei mataupu faatasi ai ma le Electoral Officer.
Na saunoa Leo Molloy e na te lē iloa lenei mea.
Ae na saunoa Faanana Efeso Collins, o se faanoanoaga le mea ua tupu ma e tatau ona iloilo.
O loo talitonuina foi e Faanana le mau a Molloy e leai sona iloa.
Ina ua alia’e lenei faaletonu, na faaulu ai ma le faitioga agai i le Auckland Council.
