E lua taavale o loo tau sailia nei e leoleo e fesootai ma le fale na mu i Waikaia i Southland i le vaiaso talu ai.
O le fale lenei i Elswick St o loo masalomia ai taavale e lua o loo sue, ma e ui e leai se isi na afaina i le mu ae o lea ua matuai faaleagaina uma le fale.
I lipoti a leoleo o loo ta’ua ai, o taavale uma e lua ia e sue, o le taavale lanu mumu ma le pikiapu o loo toso ai le trailer, na vaaia i le auala lava lea i le faatoa uma ona mu o le fale ua faaleagaina.
O loo faaauau pea suesuega a leoleo i lenei mataupu, ma ua faatalosaga mai ai i tagata lautele mo se fesoasoani.
