Na osofaia e se gaoi se fale’aiga i Aukilani i Saute i le po anapo ma sola ese mai ai ma le nofoaga lea ma se vaegatupe e pei ona faamaonia mai e leoleo.
O le fale’aiga i Great South Rd i Takanini na osofaia i le tea o le 9 i le po o le Aso Lua ma ua faagasolo ai nei le suesuega.
Fai mai faamatalaga e talitonuina e toatasi le tagata na ulufale i lea nofoaga ma se auupega ua feta’ua’ina o se fana, sa ia faatonu se tagata faigaluega e tuu ane tupe o le faleoloa.
E lē o iai ni manu’aga i le tagata faigaluega peitai na matuai faate’ia i lea tulaga ma o loo fesoasoani iai leoleo.
O loo sailia pea e leoleo nisi e silafia lenei faalavelave ae lē o ta’ua mai pe fia se vaegatupe na gaoia.
