Na faaauau pea i le asō le sueina e leoleo o se kulupu o le augaoi lea ua feta’ua’ina sa o latou osofaia le taulaga faatau i Thames e faaaogā ai taavale e lima i le vaiaso nei.
O saunoaga mai le satini sinia o Kristine Clarke ua faailoa ai o loo faia suesuega a leoleo i le mataupu lea i le Goldsfield Shopping center.
Faaleagaina se vaega tele o le taulaga faatau i lea osofaiga ma gaoia ai oloa ma tupe ae sosola ese le augaoi.
Ua maua la e leoleo taavale e tolu sa faaaoga i lea osofaiga ma sa tapunia le nofoaga i le aso ananafi se’i vagana pisinisi e pei o le The Warehouse ma le drive thru a le McDonalds.
O se isi foi gaoiga na tulai mai i se dairy i Mt Albert i le vaiaso nei lava na manunu’a tigaina ai ni tagata se toalua na osofaia e le augaoi.
