Semanū e to’atele nisi e aafia i ni manu’aga i se faalavelave ua lipotia na tafanaina ai ni fale i le itu i Saute i Sisifo o Sini i le po anapo.  

Ta’ua i lipoti a leoleo na valaau ane le latou fesoasoani i se fale i Maiden St i Greenacre poo le ‘afa o le 9 i le po anapo ona o lipoti o ni taugafana.  

Fai mai leoleo e tasi le fale i luga o le auala lea  ma isi fale e lua i luga o Juno Parade na faaleagaina ai i taugafana ia. 
O le taimi nei o loo galulue leoleo i le faatinoina o le su’esu’ega ma ua valaau i ē na aafia i lea faalavelave ia faailoa ane o latou tagata ma agai ane i le ofisa o leoleo. 

Fai mai malu o le malo e matuai lē taliaina ia ituaiga amioga aemaise lava o le faaaogā o nei auupega i nofoaga faitele. E leai se tasi na afaina ma o loo faaauau nei su’esu’ega.