Ua su e fanau Korea i Saute le malo ona o le vave uma o le suega ulufale ae e lei uma le taimi.
E 90 sekone lea na vave uma ai le suega ma ua sulu ai fanau nei i le tulafono e totogi mai le 20 miliona, e tusa lea e $24,500 tala Niu Sila i le tamaititi e toatasi, ma o le tau foi lea i le tausaga e toe sue ai le suega.
O se sasi ua faamaonia mai e le loia, na aafia uma ai suega a fanau.
O le suega lenei e 8 itula mo le tele o mataupu ua faaigoaina o le Suneung ma o se tasi o suega aupito i sili ona faigata i le faatulagana o suega i le lalolagi lea e lē gata e sue ai mo iunivesite ae o galuega i le lumanai.
O le aso 8 o Tesema na sau ai i tua faaiuga aloaia o le suega, ae o le vaiaso nei na faaulu ai le tagi a le tusa ma le 39 fanau aoga e ese ai nisi na solo tetee ai lava i nai aso mulimuli ane.
E oo mai i le taimi e sau ai lipoti a le BBC, e lei faatoese le matagaluega o aoga e tusa ma le mea na tupu.
