A o faatulaga ma feiloai le pulenuu fou o Aukilani ma pulega o loo i lalo o lana faamalumaluga, o lea ua sau tala ua leai mai lē sa filifilia e avea ma pule sili o le Auckland Transport.

E iai lipoti e fesootai lea faaiuga ma le filifilia o le pulenuu ia Wayne Brown o loo iai nei.

O lē ua toe faamavae mai e tauala mai i le komiti faafoe na filifilia ia Iulai ma e faapea o se tasi sinia e sau mai Peretania.

Mai ia Iulai na faia ai lava ma kilia a le vaega o femalagaiga a Niu Sila seia oo mai ai ia Oketopa ina ua faia faigapalota faaitumalo, ma mai le sui o le komiti faafoe ua fesoasoani le tele o suiga i le faaiuga ua iai nei lea e le gata o suiga i le komiti faafoe a le Auckland Transport, suiga i le Auckland Council ae faapea le aotelega.

O le Auckland Transport lea na tele lava ina osofai e le pulenuu fou i ana saunoaga a o lei faia le palota seia oo mai ai lava i le aso 8 o Oketopa ina ua amata i lona ofisa fou.

Ae mai le ofisa o le pulenuu, e leai se tala i lenei taimi e faatatau i nei fesuiaiga masalo poo le vaiaso fou.