Ua toe manumalo foi le aunetipolo a Samoa Tifa Moana i le la fetauiga ma Papua New Guinea Pepes i le po anapo i le taamilosaga a le PacificAus Sports Netball Series o loo faagasolo i Kuiniselani.
O le asō ua fuafua e faaauau ai le round lona fa o le taamilosaga lea o le a taaalo ai le Australian Pathway Team ma Tonga Tala ae fetaui Papua New Guinea Pepes ma Fiji Pearls.
O le ‘au a Samoa o le a fetaui ma le USC Thunder i le po nanei i le ta o le 8 taimi Sini ma o taaloga uma e tolu a le ‘au ua mae’a ona taaalo ai na manumalo uma ai.
O le taaloga muamua a le Samoa Tifa Moana ma le Aus Pathway na manumalo ai Samoa Tifa Moana i ‘ai e 52-46.
O le taaloga lona lua na fetaui ai ma Fiji Pearls, na toe manumalo ai le Samoa Tifa Moana i ‘ai e 59-56.
Ae o le fetauiga i le po anapo lea na manumalo ai Samoa Tifa Moana ia Papua New Guinea Pepes i ‘ai e 65-38.
