O le aso ua amata ai le solo tetee a paramedics I Niu Sau Uelese ma o loo iai foi ma faamatalaga feaveai e ono faaopoopo atu iai ma tausi soifua.
O I latou e faigaluega i taavale a le falemai o le a latou le taliaina le agai ese ma o latou nofoaga faigaluega masani e faatumu ai nisi o avanoa o loo manaomia I vaega eseese o le atunuu ao latou valaau ai mo ni totogi lelei ma mea e faaleleia ai le auaunaga.
Ole faalua ai lea I le tausaga nei ona faatino solo tetee ia a paramedics ma ua o latou faaalia o le a faaauau pea ona agai e faatino le auaunaga I gasegase ma tali I valaau ile triple 0. O loo valaau foi le Iuni mo se siitaga I le aofai o le aufaigaluega aua e matuai manaomia.
O loo faalogoina foi lipoti I seisi solo tetee a tausimai ile aso 31 o le masina nei.
