E lē o sa’o i le silasila a le Palemia ia Christopher Luxon solo tetee ua tapena e tagata Maori e faia a taeao, le aso o le uluai paketi a le faigamalo ua iai nei.
O solo tetee nei ua faamoemoe e faia i vaega uma o le atunuu e tetee atu ai i suiga o faiga faavae a le faigamalo lea e aafia ai tagata Maori.
A o tapena ai la ma le solo e faia e alu agai i le maota o le Palemene, ua fai mai le Palemia, e lē fetaui ma e sese foi le faaiuga a le pati a Maori lea o loo unaia le faia o tetee nei.
Ua fai mai ai ma le Palemia e iai lava le saolotoga e tetee ai, ma e lē gata ia faia i se auala e saogalemu ae o lea foi e iai faaiuga o vaiaso e mafai ona faia ai.
E ui i lea e lē o ave iai le faamuamua a Luxon ma fai mai o loo ia taulai i le paketi a taeao mo tagata Niu Sila uma, pe Maori pe leai.
Puna o Faamatalaga: Budget Day protests: Call for Māori to take nationwide strike, protest locations revealed | Newshub
