O le aso 6 o Ianuari na amata ai le taamilosaga liki voli a le Trans Pacific Volleyball Tournament i Aukilani.
O lenei taamilosaga ua leva ona faavaeina mai ona o le taumafai lava ia faaolaola le taleni voli o loo i alo ma fanau a Samoa i totonu o Niu Sila faapea ai ma Samoa.
E tasi le vaiaso na faagasolo mai ai le taamilosaga mai i ‘au alii e14 sa auai, e pei o le I’a Sa, Kings A, CM Orcas, Uso B, Acez, Legends B, ma le Manurewa HS, o ‘au ia sa auai i le Pool A.
Ae o le Pool B sa iai le Uso A, Diamonds, South Auckland, ACVC, I’a Sa A, Legends A ma le Tanifa.
O ‘au a tamaitai e 12, o le Pool A sa iai le I’a Sa, Defenders, South Auckland, Manukau South B, Polly Hitters ma le Acez.
Pool B – Manukau South A, Auckland Uso, CM Orcas, GI Hitters, Legends ma le Teen Titans.
E lua ‘au na malaga mai Samoa sa auai i lenei taamilosaga o le I’a Sa, ma le Auckland Diamonds.
O le ‘au a tama a le Auckland Diamonds o le taimi muamua lea ua auai mai ai ae sa tulaga ese le mataalia i le taamilosaga atoa ma o lea sa oo ai lava i le sailiga o le siamupini o ‘au alii.
O le Quater Final a alii na taaalo ai le Auckland Diamonds ma le Counties Manukau Orcas manumalo le Auckland Diamonds.
Semi Final – I’a Sa vs Auckland Diamonds manumalo le Auckland Diamonds.
Finals – Tanifa vs Auckland Diamonds siamupini ai loa le Auckland Diamonds mai Samoa.
I ‘au a tamaitai na sola ai ma le ‘au a le I’a Sa le siamupini, tulaga lua le D-Defenders ma le tulaga tolu o le Manukau South.
O isi faailoga faapitoa o le taamilosaga a alii na maua lea e le ‘au a le Auckland Diamonds le susuga ia Atapana Sautia, Jason Manuao ma Michael Sanele.
O le Auckland Diamonds ua silia i le fitu tausaga talu ona faavae mai i totonu o Samoa ma o le avanoa lelei ua auai mai ai lenei ‘au i le taamilosaga ua faatuputupulaia ai le malamalama ma le alualu i luma o le silafia o fanau i le taaloga voli.
