Ua maliu le tagata na i luga o le auala ina ua so’a e le train i le afiafi ananafi i Horowhenua.
E tusa o le itula e lima i le afiafi ananafi na tupu ai ma o lea na tapunia ai ma le State Highway 1 mo le silia ma le lua itula.
O le faalavelave lenei na aafia ai foi ma feoaiga a le Capital Connection i le va o Ueligitone ma Palmerston North ma o lea na fetuunai faigamalaga aemaise o auala o femalagaa’iga e faaauau ai malaga a pasese aafia.
O le molimau a le sooupu o le Kiwirail o lea na tu le train a le Great Journey’s Northern Explorer i Saute o Levin a o alu ai faamoemoe mo Ueligitone, ma e tupu le faalavelave o loo iai le pasese a le train lea e silia ma le 50 tagata.
O lē ua maliu e faapea o se tasi sa i luga o le auala i le taimi o le faalavelave.
Puna o Faamatalaga: Train tragedy: Person dies after being struck by train, emergency services reopen SH1 – NZ Herald
