Na manunu’a le toaono ma o le toalua o loo iai i se tulaga tigaina ina ua so’a e le taavale i Half Moon Bay i Aukilani i le afiafi ananafi.
Lipotia o lea na feto’ai le taavale ma le fale faatali pasi ma matuai faaleagaina ai.
E 7 taavale ambulance na faanatinati i le nofoaga na tupu ai le faalavelave, ma o le toaono e aofia ai ma tagata tigaina o lea na ave isi agai i le falemai i Aukilani a o isi i Middlemore.
Tapunia ai ma auala i lea vaega o Aukilani anapo ae faasolo suesuega, ma e toatasi lē ua taofia e leoleo ona o le faalavelave lenei.
O tagata e toaono ua faamanu’alia o i latou uma nei sa i luga o le aualatele.
