E silia ma le selau tagata o loo galulue i le iunivesite o Otago ua mautinoa e o i le vāea.
O le masina talu ai na faailoa mai ai e le malo lana fesoasoani e $128 miliona e fesoasoani ai iunivesite ona o le tele ua gau, mafua mai i le pa’ū maualalo o le fuainumera o fanau aoga mai atunuu mamao.
E ui i lea fesoasoani e lei suia ai le faaiuga a le iunivesite o Otago, ma o lea na fai mai e faataunuuina pea le voluntary redundancy, poo avanoa e ofo mai ai lava le tagata e manao e alu i le vāea.
Mai le 190 talosaga na faatalosaga e fia o i le vāea, o le 107 o lea ua talia ma e tusa lea ma le 81 tagata galulue full time.
O le o ai o lea fuainumera tele o le a faasaoina mai ai le $1 miliona i le tausaga lenei, ae amata faasao mai le $9 miliona i tausaga taitasi e amata mai i le tausaga fou.
E ui i nei tupe faasao, o loo moomia lava le faasao mai o le isi $26 miliona faaopoopo a le iunivesite.
Ua faamaonia mai ai foi e le iunivesite o le 100 ma ona tupu ua faamaonia o le a o i le vāea, e le faapea o le a o uma i le taimi e tasi, o lea o le a o auaua’i.
