O le lipoti lata mai a le Faatonu Sili o le Soifua maloloina a Niu Sila Dr. Ashley Bloomfield na ia faamaonia ai mai le To’a 107 o tagata ua aafia i totonu o Niu Sila i le Koviti e silia ma le 50% o i latou nei o tagata Pasefika.
Taua e Bloomfield o le nofoaga pito sili ona toatele ai tagata na aafia i le pepesi o le faama’i o le sauniga a le AOG i Magele ona o le tele o le taimi na auai faatasi ai. E le’i taua e Bloomfield pe na aafia le mafutaga lea ona o le tu lata i le malaevaalele.
Na molimauina le toatele o le mamalu o le atunuu na faaataunuuina a latou tui puipui i le Pop-up Vaccination Center a le EFKS Puaseisei i Magele i Sasae i le Aso Faraile ma le Aso Toonai na tea nei.
Na fautuaina ai foi e le faafeagaiga o lea Ekalesia Susuga Rev. Victor Pouesi “E faafetaia le afioga i le tamaitai Palemia ona o le tatalaina o le faatinoga o le tui lea ua maua ai le avanoa, o lea la e talosaga atu ai i le paia o si tatou atunuu faaaoga le avanoa e fai ai le tui puipui” aua le saogalemu o tagata lautele.
