E silia ma le 20 pasi fogafale lua e ola i le eletise o loo ua agai mai mo Sisifo o Aukilani.
A o faatupulaia le toatele o tagata femalaga’i e faaaogāina auaunaga a pasi i totonu o le aai, o le tala lata mai lea mai le Auckland Transport.
O le amataga o le masina o Aperila o le tausaga a sau lea o loo fuafua e amata feoai ai pasi nei ma i lona aotelega o se faaopoopoga o loo sau i totonu o le konekarate e $116 miliona ua osia i le va o le Auckland Transport ma le kamupani pasi a le Tranzit Group lea o le a sau ai le 40 pasi fou e ola i le eletise mo Aukilani.
A o faatapena ai mo lenei faaopoopoga mo Aukilani i Sisifo, ua faamautinoa mai ai foi e le Auckland Transport o loo galulue nei e faia T2 lanes i Saute o Te Atatu mo le mautinoa e sologa manuia feoaiga a pasi aemaise o le saogalemu, ma o suiga fou nei i luga o le auala e amata aloaia mai le aso 15 o le masina fou.
E lē gata i lea o lea foi ua faia le lane faapitoa mo na o pasi i se vaega o Triangle Road i Massey.
I faamaumauga o Sisifo o Aukilani o i lea ua molimauina i masina ua mavae le alu i luga i le 25% agai i le 30% le toatele o tagata e faaaogāina auaunaga a pasi.
Puna o Faamatalaga: Twenty electric double-decker buses bound for west Auckland (1news.co.nz)
