O tagata e autovaa mai i le atunuu (migrants), e faamaonia moliaga e iai sootaga i le ava malosi i totonu o Niu Sila, o le a toe tipoti ese ma le atunuu e pei ona faailoa i se lipoti i le asō i le Newshub.
O le lapataiga lea na tuuina ane ma maitauina ai le siitia foi o le numera o i latou o loo aafia ai i lea tulaga.
Fai mai le Newshub afai e solia se tulafono o le a iai le aafiaga i lou avanoa e te aumau ai pea i le atunuu.
O le faamatalaga lea mai le pulega a le Immigration.
Ua faailoa e lē gata ina aafia ai lo latou tumau ai i le atunuu ae o le a ono aafia ai foi ma avanoa agai i isi atunuu.
Ua faapopoleina sui o le immigration i le aofai o i latou e malaga mai i le atunuu i ni visa lē tumau ae taunuu mai soli le tulafono e aunoa ma lo latou silafia o aafiaga o ia soligatulafono i o latou visa.
O le faaiuga la e toe tipoti o le a fua lava i le tagata ma tulaga o lona visa ma silasila ai foi i le ituaiga soligatulafono o loo aafia ai, le umi na iai i le atunuu, pe o iai ni aiga i Niu Sila, lana galuega, tomai pe iai foi nisi tulaga faaletagata e aafia ai ma o le a fua lava iai le faaiuga.
Puna o Faamatalaga: https://www.newshub.co.nz/home/new-zealand/2024/04/migrants-who-break-the-law-face-deportation-from-new-zealand-officials-warn-amid-rise-in-alcohol-related-charges.html
