Ua valaau le Malo i le NZ Transport Agency ina ia suesueina se tunnel tele i lalo ane o Ueligitone mai le Terrace agai i Kilbirnie e pei ona faalauiloa mai i lipoti a le Herald.

O le ana lea o le a agai ane i le ogatotonu o le aai ma e oo atu i le 4km le umi, e umi atu nai lo le Waterview Tunnel.

Na ta’ua i le lipoti e lua laina o le tunnel ma o le a agai i Matu o le Terrace Tunnel o loo iai i le taimi nei i Wellington Rd.

Ua faailoa foi le talosaga o le Minisita o Fela’uaiga o Simeon Brown mo ni fautuaga e faatatau i le tunnel umi lea, o le tau atoa ma le faatupeina ma nisi avanoa.

Mo le taimi nei o loo faaauau fuafuaga mo le tunnel lona lua i Mt Victoria ma galuega toe faaleleia i le Basin Reserve.

O se long tunnel o le a faafaigofie ai loa ma vave faigamalaga e agai i le faaitu o Ueligitone ma agai i le malaevaalele.

Puna o Faamatalaga: https://www.newshub.co.nz/home/politics/2024/04/government-looking-into-possibility-of-long-tunnel-for-sh1-wellington-congestion-fix.html