Ua faailoa manino e le Faatonu aoao o le Soifua Maloloina o loo ia vaavaai nei i tulaga tau le tulafono mo puleganuu poo pulega faalotoifale pe afai latou te lē usita’ia le tuuina o le fluoride i o latou suavai taumafa.
E 14 puleganuu ua tuuina iai lea faamatalaga ma lapata’iga tauala mai le tama’ita’i foma’i le faatonu sili, Dr Diana Sarfati ma sui o le matagaluega. Ae o le vaiaso talu ai na teena ai e le Whangarei District Council le faatinoina o lea tulaga e ui ua māe’a ona faatau e le soifua maloloina le masini e faatino ai le tuuina o le fluoride i o latou suavai.
Fai mai le pulenuu o Whangarei, Vince Cocurullo i le faatalanoaga ma le one news e tele mafua’aga na teena ai e councillors le faia o lea faatatau e pei ona faatonuina, ma o se tasi o ia mafuaaga e aofia ai le fesiligia pe iai se aafiaga o le vailaau lea i oloa o tagata.
Faailo e Cocurullo ua māe’a ona ia tusi i le Minisita, Dr Shane Reti ma le Soifua Maloloina i lea mataupu, peitai tā’ua e le Faatonu afai ae lē usita’ia o lona uiga o le a iai faasalaga ma e ono oo atu i le $200,000 se sala e totogi.
Puna o Faamatalaga: https://www.1news.co.nz/2024/12/05/legal-options-to-be-sought-if-councils-refuse-fluoride-directive/
