Ua faailoa mai i lipoti a le Matagaluega o le Soifua Maloloina le siitia maualuga pea o le numera o tagata o loo aafia i le mūmū tutupa.

I suesuega a le Matagaluega o loo faaalia ai le Itumalo o Aana Alofi #1 lea o loo maualuga le numera o tagata o loo aafia i le mūmū tutupa lea e tusa male 15% o lona faitau aofai.

Ona pito lea iai o le Itumalo o Vaimauga i Sasae, ma faasolosolo atu ai lava i Anoamaa #1, o Faleata #2 ma Sagaga #2. 

O lea faama’i o se anufe e feaveai e le tagata ae e mafai ona pepesi atu i isi tagata e ala atu i le namu.

O aafiaga e vaai ai le tulaga puta i vae ma nisi vaega o le tino.

Ua faailoa mai o le aso 16 i le aso 24 o le masina lenei lea o le a faia ai se faainuga fualaau o le mūmū tutupa, ma e agavaa uma tagata e taumafa ia fualaau.

Maitauina foi le taulamua o afioga i minisita o le Kapeneta e amatamea ai i le inuina o fualaau mo le puipuiga mai lenei faama’i o le mūmū tutupa.