E toalima i latou fou ua faamauina nei le aafia i auga o le koviti i totonu o Niue ma ua oo atu ai nei le aofai o i latou ua aafia i lea faama’i oti i le to’a 59.
I le taimi nei ua faailoa mai i lipoti le feagai ai o le falemai i Niue ma le faafitauli o le toaititi o fomai ma tausi soifua.
I se pepa o faamatalaga mai le malo na faailoa ai ua amata nisi o fuafuaga mo puipuiga i le falemai mo le saogalemu o le aufaigaluega.
I lipoti a le leitio a Niu Sila o loo faapea mai e amata atu i le Aso Gafua nei o le a tapunia ai le outpatient entrance i luma o le falemai mai tagata lautele.
Mo Tahiti o loo matauina foi le siitia pea o le aofai o i latou ua aafia i le faamai, ma i totonu o le 48 itula na faamauina ai le to’a 138 ua aafia.
I le aotelega atoa ua oo atu i le 378.
