E faitau sefulu afe tagata galulue i le soifua maloloina o le a maua siitaga o totogi.
O le tala mai lea mai le minisita o le soifua maloloina, Andrew Little i le taeao ananafi ma na ia ta’ua o se tala fiafia lea mo le tusa ma le 20,000 tagata galulue atoa ai ma le faalapotopotoga o loo faafaigaluega e le matagaluega.
O i latou o le a manuia ai e aofia ai faalapotopotoga faalesoifua maloloina a Maori ma Pasefika, o aged-care facilities ma hospice.
E le o iai se suiga vave mo i latou o loo galulue i falemai faaleaiga ma o loo iai le faamoemoe ia avea le siitaga ua faailoa mai i le aso ananafi ma auala o le a faatumau ai i latou o loo iai i le taimi nei ma maua atu ai nisi mo le aufaigaluega.
