Ua lipotia mai le maua o se siitaga mo avepasi i Ueligitone i o latou totogi lea ua ioeina e le Greater Wellington Regional Council. O le siitaga e pei ona faailoa o le a oo ai totogi i le $30 i le itula i le aai ma le $28 tala Niu Sila i le itula mo avepasi i le Wairarapa ma Kapiti.
O lenei siitaga afai ae saini loa ma faamautuina e le iuni ma le kamupani ona amata totogi mai lea o avepasi i le totogi fou lea amata i le aso muamua o Aperila.
Faaalia e le taitaifono o le council Daran Ponter o nei tupe e lei nofonofo le malo tufa atu, o tupe ua maua ane mai le tele o taumafaiga sa faia e unaia ai ma finau pea mo lea mataupu, lea la ua sa’o ai le isi fuaitau, o le tu’itu’i e tatalaina mai iai.
