E 7% o le a toe sii ai le totogi maualalo i le itula i Niu Sila.
O lea o loo $21.20 i le itula le totogi maualalo o loo iai i le taimi nei, ma ua faailoa mai e le Palemia Chris Hipkins o le a toe faaopoopo le isi $1.50, o lona uiga o le a $22.70 i le itula e amata mai le masina o Aperila.
O se siitaga ua fai mai le malo o loo ogatusa ma le taugata o le soifuaga o loo iai nei pe a faatusa i le malosiaga o le tupe, ma e tusa ma le $756 lea o le a maua e le tagata faigaluega o loo ia mauaina i le taimi nei le $715 i le vaiaso.
O se siitaga foi ua mai le Palemia o loo ia mulimulitaia lava lana polomisi na fai mai ina ua tulai mai i le tofi, o le a ia fesoasoani i aiga ona o le taugata o le soifuaga.
Ae i le popolega o le aafiaga o avanoa faigaluega ona o lenei siitaga, ua faamaonia foi e Hipkins o lea lava foi na tapa iloiloga a le matagaluega o pisinisi ma galuega ma e ono lē tele se aafiaga o galuega ona o le siitaga e le o toe mamao aloaia.
