O le faaauau pea o le taua i le va o Lusia ma Ukraine faatasi ai ma le lē maua o se filemu i Sasa’e Tutotonu ua lē mautonu ai le saogalemu o le gaosia ma le fela’ua’iina o suauu e lei faamamāina.
E fua lea tulaga lē mautonu i le saogalemu o le gaosiga o lea alamanuia, i tau o suauu ma penisini mo Samoa i lenei masina fou o Me.
Ua siitia le tau o le penisini ae pa’ū i lalo tau o le karasini ma le tiso.
O le penisinisi ua 3 tala 36 sene i le lita e fua i le tau sa iai sa 3 tala 35 sene i le lita.
O le kiso ua faaitiitia lona tau i le 7 sene i lona tau fou e 3 tala 45 sene i le lita.
O le tau sa iai i le masina o Aperila e 3 tala 52 sene i le lita.
O le kalasini sa 3 tala 8 sene i le lita, ae o lea ua faaitiitia i le 3 tala 5 sene i le lita.
O tau fou nei e pei ona faailoa mai e le Matagaluega o Tupe a le Malo o loo faatulaga mai i le tau o le suauu i Sigapoa mo le masina o Mati 2024.
