O lea ua amata le masina lona 4 o lenei tausaga ma le siitaga i le tau fou o suāuu ma penisini i Samoa.
O le penisini ua sii lona tau i le 3 tesimale 1 sene, suāuu kiso e 9 tesimale 9 sene ua sii ai lona tau, ma le kalasini e 6 tesimale 8 sene ua faaopoopo i lona tau sa iai i le masina o Mati ua alu atu nei.
O tau fou la ua faatulaga mai ai le penisini ua 2 tālā 85 sene i le lita, o lona tau sa iai ia Mati sa 2 tālā 82 sene i le lita.
O le kiso o lona tau fou e 3 tālā 9 sene i le lita, faatusa i lona tau sa iai e 2 tālā 99 sene i le lita.
O le kalasini i lona tau fou e 2 tālā 70 sene i le lita, o le tau tuai sa iai i le masina o Mati sa 2 tālā 63 sene i le lita.
O le masina fou lenei o Aperila e taunuu ai le isi vaa suāuu faapea i le amataga o le masina fou o Me.
Ua mae’a ona faailoa e le Malo e leai se tulaga e faapopoleina ai le atunuu i le tulaga maua o lea oloa ona o loo iai pea vaa suāuu o le a afea le atunuu i le masina nei ma le masina fou.
