Ua sii maualuga le tau o oloa o suauu ma penisini i Samoa i le masina fou lenei o Iuni, ma o se siitaga faatoa faia talu mai le lua masina ua tuanai sa tumau ai pea le tau sa iai ia oloa manaomia.
O tau fou o le penisini ua 3.40sene i le lita, suauu kiso ua 3.35 sene i le lita, ma le kalasini ua 3.93sene i le lita.
O tau sa iai i le masina o Aperila ma Me sa 3.27sene i le lita le penisini, 3.30sene i le lita le suauu kiso ae o le kalasini sa 2.98sene i le lita.
Ua faailoa i le pepa o faamatalaga mai le ofisa o le minisita o Tupe ua sii le penisini ona o le tulaga manaomia tele i atunuu i Matu, ae o le siitia o le kiso ma le kalasini ua mafua ona o le siitia o tau mo isi auaunaga pe a taunuu ia oloa i lo tatou atunuu.
Ua lē toe ta’ua mai le taua a Rusia ma Ukraine i le mafuaaga o le sii o le tau o nei oloa.
