A o iai i le taugata o le soifuaga, o lea o le a toe sii le tau o femalagaiga lautele a Aukilani.
O lenei siitaga e le i luga atu o le 20 sene ma i se lipoti mai le Auckland Tranport, e tusa lea ma le 6.5%.
Ua tuuaia ai e le Auckland Transport le taugata o oloa ma auaunaga ma e le o taugofie le faatupeina o auaunaga a pasi, o train faapea vaa feoai i le sami.
O le siitaga lenei o totogi mo femalagaiga lautele na tuu e amata aloaia ia Fepuari peitai e lei taunuu ona o le afa ma uiga louloua o le tau na lolovaia ai Aukilani.
E lei iai se siitaga o le tau e totogi mo femalagaiga lautele a Aukilani i le tausaga faatoa uma atu ona o le Koviti, ma o le siitaga ua ta’ua mai e amata aloaia i le Aso Sa, aso 2 o Aperila.
