E to’alima tagata ua pu’eina i Siamani ua masalomia lo latou aofia i se taumafaiga e ave ane se taavale agai i tagata sa iai i se maketi o le kirisimasi sa faia. Fai mai e to’atolu tagata Morocco, to’atasi le Aikupito ma le Suria e to’atasi na pu’eina i le faai’uga o le vaiaso ona o le latou fuafuaga lea sa taula’i i se maketi i le itu i Saute o le setete o Bavaria.
Fai mai leoleo e masalomia o i latou ia e faaosofia e le vaega Isalama ma o le latou fuafuaga ia faaoo le oti ma faamanu’alia ni tagata se to’atele.
Na tupu muamua foi se faalavelave faapea ia Tesema i le tausaga talu ai na maliliu ai tagata e to’aono i se maketi sa faia i Madgeburg i Siamani lava.
O loo taofia uma nei i latou e leoleo a o faia pea su’esu’ega.
Puna o Faamatalaga: https://www.bbc.com/news/articles/c2dz7r708dxo
