Ua solo atu alofa’aga ma faamaisega mo le aiga o le tamaitiiti 9 tausaga lea na fasiotia i se osofa’iga i se maketi o le Kerisimasi sa faia i Siamani.
Ua faailoa e le BBC o Andre Gleissner na maliu ina ua aga’i sa’o atu se taavale i le vaega o iai le aufaatau i le maketi sa faia ma aafia atu ai ma si tamaitiiti.
E to’afā isi tamaitai ma tinā na maliliu uma ai i lea osofa’iga, 45, 52, 67 ma le 75 tausaga le matutua ma o loo taofia nei e leoleo le tagata o loo masalomia i le faalavelave.
O se sa’iligatupe ua feta’ua’ina ua faia mo si tamaitiiti ua oo atu i le 60 afe pauni ua foa’iina ai ma ua faailoa e le BBC a itiiti mai pe to’a 200 na manunu’a ai, o isi e fai si tigaina o manu’aga.
Puna o Faamatalaga: https://www.bbc.com/news/articles/ced8x2zgw60o
