Ua tautino le 2degrees e moni o lea na ova peimeni sa aveesea mai pe totogi e paaga ma o loo suesue nei.
I pili o telefoni na totogi e paaga i le vaiaso nei ua toe faasea ai nisi e oo atu i le faitau selau tupe na aveese sese mai a latou tusitupe.
O se lape na faalauiloa ai e le 2degrees i luga o le social media ananafi i le afiafi ma faailoa i paaga ua aafia o lea ua iloa e le kamupani ma o loo galulue malosi e faasa’o aemaise o le toe faafoi mai o tupe a tagata e lei sa’o ona fai.
Ua lipotia e le Herald e iai nisi ua le lava ai nei meaai mo fanau ona o tupe nei na faaagaga mo faatauga.
O le le fiafia o nisi na faailoa ai o le a sui le kamupani telefoni e o iai.
O anapo lea na faapea mai ai le 2degrees e tatau ona toe faafoi uma ai tupe a tagata na aafia.
