Ua toe maua nei o le sese o le ki na oomi na mafua ai ona pa’ulia le vaa a le Interislander, le Aratere.
Ua lipotia e le 1News o lea lipoti o loo lomia ai o lea na suia agai i le autopilot ma e faapea e lei mafaufauina.
O le mafuaaga lea na fiu ai loa e toe fesuia’i atu le faatonutonuina o le vaa peitai ua tuai, ma i’u ai loa ina alu agai i le itu papa’u o le sami.
O le lipoti lea na toe liki mai i tua i le leitio a Niu Sila i le mae’a faasoa ai i le aufaigaluega a le Interislander i le vaiaso talu ai e ui o loo faaauau pea suesuega i le mea na tupu.
Ua sau ai ma le tala i le moomia ona toe faia a’oa’oga faamanatu mo le aufaigaluega ina ia malamalama lelei i le eseesega o le tuu o le vaa i le autopilot lea e foe ai lava e ia ma le steering control system.
O le sau ai o lea tala i tua ua faia ai le post a le New Zealand First i luga o le X, e foliga mai o lea na tuu i le autopilot ae alu e inu sana kofe ma e toe foi mai ua tuai.
O se post o loo iai ma le fesili, afai o le mea lea na tupu aisea ua lē faailoa mai ai i tagata lautele?
Ae mai le Palemia, Christopher Luxon a o iai i Uosigitone i Amerika, e lē o tele sana tala i le post a le New Zealand First, na ona fai mai e tele lava tala salatua i le mea na tupu.
Puna o Faamatalaga: Aratere ran aground after a button was ‘inadvertently pressed’ (1news.co.nz)
