A itiiti mai pe to’atolu le aufaitulafono a Serbia na manunu’a ina ua togi atu ni flares ma asu atoa le Maota Fono i le Palemene o lea atunuu.

O le aufaitulafono sa fuafua e palota i se tulafono e faaopoopo ai le faatupega o a’oa’oga i le Iunivesite peitai ua finau mai pati tetee e solitulafono lea tulaga ma e tatau ona faamaonia muamua le faamavae o le Palemia, Milos Vucevic ma lana faigamalo.

O ata mai lea nofoaga ua iloa atu ai le feteena’iga lea i le va o le aufaitulafono ma fetogia’i ai pomu asu ma flares.

Ua ta’ua foi i lipoti a le aufaasalalau i Serbia na vaaia foi le tau’ai solo o fuāmoa ma faguvai ma ua faamaonia mai e to’atolu na manunu’a ai.

Ua tuua’ia e le Fofoga Fetalai o Serbia le Itu Agai o se kegi faasolitulafono ma o le isi o le to’atolu lea o loo tigaina manu’aga.

Puna o Faamatalaga: https://www.9news.com.au/world/serbia-parliament-clash-at-least-three-serbian-lawmakers-injured-as-smoke-bombs-and-flares-thrown/e773dfa6-aee7-4cab-9333-cb65c3a9e1e5