Ua tapena le ta’ita’i o le Itu Agai e tāpā lana foma’i e ave se faamatalaga i le Fofoga Fetalai, e faailoa ai le māfua’aga o le faaaogā o lana matatioata pogisa.
Ae ina ua fesiligia e nisi o tusitala le ta’ita’i o le Itu Agai ina ua mae’a le fono a le Palemene i le Aso Lua, sa ia faamatala iai o nisi taimi e saviligia ona fofoga aemaise o ia ua silia i le 80 tausaga le matua o lona soifua o le māfua’aga lea o lona faaaogā o lana mata pogisa.
O le faaaogā i totonu o le maota fono o le Palemene o le matatioata pogisa le māfua’aga o le faai’uga a le Fofoga Fetalai e pei ona sa faafofoga iai le atunuu i se folasaga mai le nofoa i le fono usu a le Palemene.
