O i latou o saienitisi ma medical technicians i se tasi o lab aupito tele i Niu Sila o le a savavali ese mai a latou galuega i le asō i Ueligitone ma le South Island i le finauina o ni totogi lelei mai le kamupani o loo galulue ai.
Na ta’ua i lipoti o le kamupani lea e silia ma le 700 miliona le tau aofai o ana konekarate faalauaitele ma le Te Whatu Ora ma e umia le isi ‘afa e le superannuation fund a le malo.
O isi vaega o le auaunaga a i latou ia o le sailia ma le faia o siaki o toto, galuega i potu suesue ma faia suesuega i gasegase e pei o le kanesa, meningitis ma le koviti-19.
O le iuni a le APEX o loo fesoasoani i le faatinoina o le tetee, o le faalima ai lea ona faatino i lenei masina.
Fai mai o le taimi nei o le tagata suesue faatoa amata poo le junior scientist o loo totogi i le $25 i le itula ma e manatu le toatele ua maualalo tele lea pe a fua i le galuega faatino.
Fai mai le saienitisi sinia o Rachel Roth o le galuega a fomai e le mafai ona faatino a latou faaiuga i gasegase pe a aunoa ma le iuga o suesuega o loo latou galulue ai ma e tatau ona inivesi le kamupani i lana aufaigaluega pe afai e manao e faatumauina pea le silafia ma le auaunaga a ia tagata.
