E oo mai i le taeao nei e lei maua lava Yanfei Bao, e ui o lea ua tulai le toatasi ua molia i le faamasinoga i lona ave faamalosia o le tina.
O Yanfei, o se tagata faatau fale i Kalaiesetete, e 44 tausaga o lona matua, ma o lea ua tasi le vaiaso talu ona leiloa.
I suesuega ananafi o lea ua tolu fale ua suesue e leoleo i Kalaiesetete e masalomia e fesootai ma le leiloa o Yanfei.
Mo le alii 52 tausaga ua molia nei o lea na pue mai i le malaevaalele a o taumafai e sola ese ma le atunuu, ma e lē o mafai ona faailoa lona igoa ma taofia pea i lalo o le vaavaaiga a leoleo.
Mai le toalua o le tina o loo tau sailia pea, o le umi ona leiloa o Yanfei o le faigata atili lea mo ia faapea lo laua alo tamaitai.
