O Penny Wong, le minisita o le va i fafo a Ausetalia o ia le uluai minisita mai Ausetalia o le a ulufale atu i Saina mo le uluai taimi talu ona tau faaisaisa fesootaiga tau upufai a malo e lua.
O le asō ua faailoa mai ai o le Aso Lulu o le vaiaso nei o le a malaga ai Wong i Saina mo faatalanoaga ma sui o lea malo ae sa feiloai le Palemia Anthony Albanese ma le peresetene o Saina o Xi Jingpin i le fonotaga a le G20 ia Novema.
Ua mafua le malaga a Wong ona o se valaaulia mai le Peoples Republic of China ia faia le faatasiga lona ono o le Australia-China Foreign and Strategic Dialogue ma e ogatasi foi ma le atoaga o le 50 tausaga o le fesootaiga a atunuu e lua.
Sa faailoa talu ai nei e le palemia o Ausetalia o loo sailia pea e Ausetalia se mafutaga mautu ma Saina ma ua faailoa foi o tulaga tau fefaatauaiga i le va o atunuu e lua e tele ni ona penefiti ua maua mai ai.
