I le faamanatuina o le World NO Tobacco day i lenei tausaga ua folafola ai e le minisita o le soifua maloloina a Ausetalia, Mark Butler ua iai nisi tulafono ua silasila iai le matagaluega e ao ona faatino ma tuuina atu i le Palemene i se taimi o le tausaga nei ina ia pasia ma tusia loa o se tulafono aloaia a o lei oo ia Aperila 2024.
O nisi o nei gaioiga e aofia ai le tuuina o lapataiga i totonu o pepa o tapaa ma vapes ia tuuitiitia ai le aofai o tagata e tagofia tapaa vapes.
Fai mai le minisita ua maitauina ua siitia le aofai o talavou e fiafia i le vape ae le gata i lea o loo maualuga pea foi le pasene o tagata Ausetalia e taumafa tapaa.
Na saunoa le minisita, o Ausetalia lava ia o le tapaa le mafuaaga aupito taatele ua mafua ai le maliliu o nisi ma isi ua aafia i manaoga faapitoa.
O le a silasila foi le matagaluega i le size e faatau ai le tapaa, faasā ona toe tuuina iai flavours, toe faalelei lapataiga ma ata o aafiaga i luga o le pepa o le sikaleti aemaise o le tuuina pea o faamanatu tau le soifua maloloina.
O le 2025 lea ua fuafua a taunuu atu iai ma sologa lelei pea taumafaiga ua tatau loa ona faamamalu ia suiga.
