Ua nofo sauni le faigamalo a Vitoria e faalauiloa nisi o tulafono ua leva ona talitalia i le Palemene, lea ua faailoa ua faaigoa o se matuai toe fetuuna’iga lea o tulaga faapalemene i le atunuu atoa.

Ua ta’ua i le alaata 9 o le Premier o Vitoria o Jacinta Allan, na ia faailoa o Parliamentary Workplace Standards and Integrity Bill ua folasia i le Lower house i le asō.

O le a faamautu ai ma se komisi latou te suesueina tuua’iga o faiga lē sa’o ma amioga lē talafeagai e aofia ai faipule o le setete.

O le komisi la lea o le a tele lo latou sao i le silasila lea i amioga a faipule ma tuuina ni avanoa e faia ai ni faaseā ma faafofogaina ma faia ai suesuega i lona auala sa’o e tatau ona iai.

Fai mai le Premier ua leva ona tatau ona faatino lea faiga ma o se laasaga tāua tele lea i le agai i luma i se nofoaga faigaluega e saogalemu ma faaaloalogia.

Puna o Faamatalaga: https://www.9news.com.au/national/victoria-moves-to-introduce-commission-to-investigate-complaints-against-victorian-mps/b10354ec-99a1-401e-a883-631c31a55ece