E tasi le vaiaso talu ona faamauina le latou uluai malo o le Ipu o le Lalolagi ae o lea o le a toe sauni foi le Matildas a Ausetalia mo lana taaloga lona lua e fetaui ai ma le ‘au malosi a Nigeria i le po nanei.
O le alaata 7 o le a faasalalau tuusa’o ai ia taaloga ma o le a taitaia le ‘au e lo latou kapeteni o Sam Kerr lea sa manu’a ma lē auai ai i le uluai taaloga.
O le faamatalaga e faapea o le Suncorp Stadium e faia ai le taaloga ma ua lata i le 50 afe le aumaimoa ua faailoa o le a auai ai.
O Kanata ma Aialani na fetaui i le po anapo i Perth lea na amata le taaloga i le ta o le 9.
O le iuga o lea taaloga na manumalo ai Kanata i ‘ai e 2 i le 1 a Aialani.
Ua maitauina i vaega eseese o Ausetalia e maeu le lagolago a tagata i le ‘au a le atunuu ma le finauina o se avanoa e faanofo ai le Ipu o le tausinioga i laufanua o Ausetalia.
