O le ‘afa o le 5 i le afiafi nei e fetaui ai le ‘au malosi a le Papua Niu Kini Cassowaries ma le Manusina XV Senior a si o tatou atunuu i le taamilosaga lona lua o le Oceania Rugby Women’s Championships.
O le taaloga e faia i le malae a le Bond University
O le tausinioga lea e maua ai le avanoa o tamaitai taaalo a le Pasefika e filifilia ai i le 2023 Oceania Women’s Combine ia Aokuso o le tausaga nei lava ma ono maua ai foi avanoa sikolasipi mai le Pacific Aus Sports e mafai ai ona taaalo i le Super W a Ausetalia.
O le Gold Coast o loo talimalo i le taamilosaga lea o loo faagasolo nei.
O le uluai taamilosaga poo le round one na malo ai le Manusina i le Fuifuilupe a Tonga, e 69-5.
