O le aso 17 o Iulai o le tausaga nei lea o le a feiloai ai le au lakapi tamaitai a le atunuu le Manusina ma le au malosi mai Ausetalia le Wallaroos.

O lenei taaloga o se vaega o tapenaga a au e lua i le ipu o le lalolagi lea e faia i Niu Sila i le tausaga fou.

O le taaloga lona lua a le Manusina ma le Wallaroos lea o le a faia i  le Aso 22 o Iulai.

Taua e le Pulega o le Lakapi a Ausetalia Andy Marinos “ o se avanoa lelei le toe faia ai o taaloga auā leva ona naunau le au taaalo ina ia toe agai i luga o le malae”.

Na ia taua foi “o le Manusina o le tasi lea o au lakapi a tamaitai ua agai i luma a latou taumafaiga ma o se tasi o paaga masani a le Lakapi Ausetalia”

O lenei taaloga ua talafeauga lelei ma le 50 tausaga o faiga faapaaga a le malo o Samoa ma le Malo o Ausetalia.