E silia ma le 2 miliona pasese ua fuafua e afea le malaevaalele i Sini i le taimi o le Eseta poo le Easter. Ua lipotia o loo faaatalitali ai nei le malaevaalele i lea aofaiga tele talu ona toe tatala femalaga’iga mai aafiaga o le faamai.
Ta’ua i le lipoti e tasi ma le ‘afa miliona pasese feoai i totonu lava ia o Ausetalia ma le tusa ma le 50 afe o pasese faavaomalo e amata ulufale mai i le aso 3 o Aperila agai i le 23 o Aperila e pei ona faamaonia i faamaumauga mai le malaevaalele.
O le aofaiga aupito tele lea o pasese femalaga’i ua faamauina ai le 90 pasene ua siitia ai le aofai o pasese femalaga’i i le tausaga nei pe a faatusa i le piliota lava lea i le tausaga talu ai.
Faailoa e le ofisa sili o le malaevaalele i Sini, Geoff Culbert ua vaaia le toe malosi mai o le atunuu femalaga’i e le gata i totonu lava ia o Ausetalia ae faapea foi i malaga faavaomalo ia aemaise lava i le taimi o le Eseta ma ona aso malolo.
